I-Arrows ishaye iSuperSport kwakhululeka iChiefs

ILamontville Golden Arrows igqugquzele iKaizer Chiefs ngokushaya iSuperSport United ngo 2-1 emdlalweni weDStv Premiership ePrincess Magogo Stadium, KwaMashu, ngoMgqibelo ntambama.

ISuperSport iye kulo mdlalo inamaphuzu angu-27 nokuchaza ukuthi beyingeke inyakaze endaweni yesibili noma kungathiwa iyawina iChiefs. Amakhosi asendaweni yesine kwilogi kanti anamaphuzu angu-24. Ukuwina kwiSekhukhune United kungawabeka endaweni yesibili kwilogi.

IChiefs izobhekana neSekhukhune koweligi eFNB Stadium, ngoMgqibelo ngo-8 ebusuku. Idinga ukuthi iwine okungasenani ngamagoli amabili bese ingangenelwa yigoli bese igxumele endaweni yesibili kwilogi okokuqala kule sizini ka-2022/2023.

Emdlalweni wangoMgqibelo i-Arrows isheshe yakhombisa ukuthi ayizile ukuzodlala ePrincess Magogo. Ishaye igoli ngomzuzu ka-19 nelize noNduduzo Sibiya. Bese kubukeka sengathi umdlalo uzoya ekhefini kungu 1-0 kodwa uKnox Mutizwa washaya igoli lesibili ngomzuzu ka-41 bashayela phezulu Abafana Bes’thende. Igoli lokubika ekhaya lezivakashi lishaywe uSibanyoni ngomzuzu ka-85.

Ukuwina kwe-Arrows kuyibeke endaweni yesithupha kwilogi yePremiership ngaphambi kweminye imidlalo yeligi ngoMgqibelo.

Sdina Ngubo