ISweden idlule izwile kwiBanyana Banyana ekhombise ubuqhawe
Intatheli yeMpempe
IBanyana Banyana ikhombise ubuqhawe emdlaweni wayo wokuqala eNdebeni yoMhlaba e-Australia naseNew Zealand ngeSonto ekuseni yize lugcine lugobile uphondo.
Kube ngu-Amanda Ilestedt ophule izinhliziyo zabalandeli baseNingizimu Afrika eshaya igoli ngomzuzu wokugcina nokuyilo eliwinise iSweden ngo 2-1.
ISweden beyivele iyingozi umdlalo, kodwa iBanyana ilwile futhi kuke kwanesikhathi la bekungathi ingase iphume namaphuzu aphelele kulo mdlalo.
UHildah Magaia nguye obe ngumdlali wokuqala wase-Afrika ukushaya igoli kule midlalo ngomzuzu ka-48. ebeka iBanyana phambili.
Nokho uFridolina Rolfe uyibuyisele emdlalweni iSweden ngomzuzu ka-66 kwathi u-Ilestedt waqedela umsebenzi.
Nokho iBanyana akumele iphelelwa amandla ngoba ikhombisile ukuthi kukhona engakwenza kulo mqhudelwano.
FUNDA NALA: Izinsolo ezingezinhle ngeRoyal AM ‘engakhokheliwe’
Sekumele ivuke izithathe bese inqoba uma seyibhekene ne-Argentina emdlalweni olandelayo.
