UPitso uzovakashela eMamelodi okokuqala
SIHLE NGUBO
Umqeqeshi uPitso “Jingles” Mosimane uzovakashela ePMFC Mamelodi Grounds okokuqala ngeSonto ekuseni.
UMosimane usanda kubuya eSaudi Arabia kulandelala ukudliwa yizembe kweqembu lakhe, i-Abha Club, kwiSaudi Pro League.
EzikaMosimane zidliwe yi-Al Hazem ngo 2-1, ebisivele igawulwe yizembe, emdlalweni wokugcina obekumele ziwunqobe nakanjani ukuze zisinde ezembeni.
Ukungaphumeleli kwe-Abha ukugwema izembe kufanele ukuthi kwehle kahle emaqenjini agaqele ukuthi lolu qweqwe lomqeqeshi, oneminyaka engu-59, luzowaqeqesha ngesizini ezayo.
“IPitso Mosimane Foundation isebenzisane ngokubambisana nomkhandlu waseMamelodi Ward 23, ukwenza kabusha izinkundla ngenhloso yokuzenza zibe yikhaya lePMFC Mamelodi,” kusho isitatimende.
Kuzoba nemidlalo kusukela kwi-Under 7 kuya kwi-Under 15.
