IMarumo ‘izogwinya’ abadlali abathile beSwallows
NQOBIZITHA MNCWANGO
I-Marumo Gallants yethule izinhlelo zayo zokuqala isizini njengoba isizogijima esigabeni esiphezulu ngemuva kokuthenga isitifiketi seMoroka Swallows ebintula imali.
Phakathi kwezinhlelo leli qembu limemezele ukubuya kukaDylan Kerr njengomqeqeshi wayo ozohola iqembu kwiDSTV Premiership. Limemezele ukuthi yonke imidlalo yalo yasekhaya izodlalelwa enkundleni i-Dr Petros Molemela Stadium nokuyinkundla eyayisetshenziswa iBloemfontein Celtic engasekho.
Umengameli weqembu, u-Abram Sello, umemezele ukuthi abadlali abawu-13 abebenezinkontileka neSwallows bazobagcina, kanti bahlola abadlali abawu-46 sebebonke ukuzama ukwakha inqanawe yokuqala isizini.
Kulindeleke ezinye izimemezelo ukuhamba kwesikhathi kuleli qembu .