Seyihleliwe eyeMTN 8 okuzovulwa ngayo isizini

SIHLE NGUBO 

Isizini entsha ka-2024/2025 izovulwa ngemidlalo yeMTN 8 ezoqala ngempelasonto ka-Agasti 3.

Umdlalo obhekwe ngabomvu ophakathi kwe-Orlando Pirates neSuperSport United. Nakanjani lo mdlalo uzodla ngokushuba njengoba womabili amaqembu eqinise izikwati zawo ngabadlali abasha.

I-Pirates iyona evikela indebe yeMTN 8 eyithathe ngesizini edlule. Ishaye ompetha beligi, iMamelodi Sundowns, kowamanqamu.

EZimnyama ziphinde zephula izinhliziyo zabalandeli beSundowns ziyishaya kowamanqamu weNedbank Cup, emdlalweni wokuvala isizini. Konke lokhu akwehlanga kahle kubalandeli beSundowns ikakhulukazi njengoba nakwiCaf Champions League ishaywe kowandulela owamanqamu.

Imidlalo yeBetway Premiership yona izoze iqale ngo-Agasti 10. Umdlalo obhekwe lapho ophakathi kweSundowns neSuperSport.

Imidlalo yeMTN 8 

Ngo-Agasti 3:

Orlando Pirates vs Supersport United, ngo-6 ntambama 

Ngo-Agasti 4:

Stellenbosch vs TS Galaxy, ngo-3 ntambama 

Ngo-Agasti 10:

Sekhukhune United vs Cape Town City, ngo-3 ntambama 

Ngo-Agasti 11:

Mamelodi Sundowns vs Polokwane City, ngo-3 ntambama 

Imidlalo yokuvula yeBetway Premiership:

Mamelodi Sundowns v Supersport United, ngo-3 ntambama.

Royal AM vs Cape Town City, ngo-3 ntambama 

Orlando Pirates vs Chippa United, ngo-5.30 ntambama 

Marumo Gallants vs Kaizer Chiefs, ngo-5.30 ntambama 

Polokwane City vs AmaZulu FC, ngo-8 ebusuku

Sekhukhune United vs Magesi FC, ngo-8 ebusuku.