AmaBoks asebheke ukuyoqukula enye indebe eMbombela
SIHLE NGUBO
AmaBhokobhoko kuzomele angayithathi kancane i-Argentina uma la maqembu esetholana phezulu emdlalweni weCastle Lager Rugby Championship, eMbombela Stadium, ngoMgqibelo, ngo-5 ntambama.
Lo mdlalo iwona ozocacisa ukuthi indebe iqukulwa yiliphi iqembu, njengoba amaBhokobhoko ezama ukunqoba iRugby Championship okokuqala kusukela ngo-2019.
EzikaRassie Erasmus zishaywe yiPumas ngo 29-28 ngesonto eledlule nokuzokwenza ukuthi umdlalo wokugcina eMbombela Stadium ushube.
AmaBhokobhoko anamaphuzu angu-19 kanti iPumas inangu-14. Lokhu kuchaza ukuthi iNingizimu Afrika idinga iphuzu elilodwa kuphela ukuze inqobe isicoco.
Nokho ngeke kube lula ngoba i-Argentina izobe ibheke ukuthola amaphuzu aphelele nelebhonasi ukuze ikhale yemuke nesicoco.
Kulokhu amaBhokobhoko azobe ehlome ngokaputeni wawo uSiya Kolisi, obengekho emdlalweni odlule. Nakanjani isiwombe sesibili somdlalo sibalulukile kuwona womabili amaqembu ngoba yisona esingase sicacise ukuthi indebe ilala kuphi.
Selilonke iqembu lamaBhokobhoko limi kanje:
15 – Aphelele Fassi
14 – Cheslin Kolbe
13 – Jesse Kriel
12 – Damian de Allende
11 – Kurt-Lee Arendse
10 – Manie Libbok
9 – Jaden Hendrikse
8 – Jasper Wiese
7 – Pieter-Steph du Toit
6 – Siya Kolisi (ukaputeni)
5 – Ruan Nortje
4 – Eben Etzebeth
3 – Frans Malherbe
2 – Bongi Mbonambi
1 – Ox Nche
Ebhentshini:
16 – Malcolm Marx
17 – Gerhard Steenkamp
18 – Vincent Koch
19 – Elrigh Louw
20 – Kwagga Smith
21 – Cobus Reinach
22 – Handre Pollard
23 – Lukhanyo Am
