IChiefs isabawela umgadli waseCameroon, ibangiswa yiMadrid

IChiefs isabawela umgadli waseCameroon, ibangiswa yiMadrid
UFranck Mbella Etouga we-Asante Kotoko ofunwa yiKaizer Chiefs
OkaDonga Gumbi

IKaizer Chiefs imfuna ngabomvu umgadli osemncane waseCameroon uFranck Mbella Etouga futhi seyiyibekile nemali etafuleni ngaye.

Kuthiwa Amakhosi abeke imali enhle njengoba embanga namaqembu aphesheya lo mgadli ogijima kwi-Asante Kotoko yaseGhana njengamanje.

IChiefs ifuna umgadli nje kungenxa yokuthi ibadedele bonke abayo njengoba ibafake amasondo oSamir Nurkovic, Leonardo Castro kanti noLazarous Kambole angase abalandele maduze.

“Izinkunzi zaseNingizimu Afrika iKaizer Chiefs zigaqele umgadli we-Asante Kotoko SC uFranck Mbella Etouga,” kubika abeGHANAsoccernet.

FUNDA NALA: UPitso usola ukugodola nemali kwamaqembu amakhulu kuleli ngokufadabala kwawo

“IChiefs seyisifakile ngokusemthethweni isicelo sokudayiselwa lo mgadli ongowokuzalwa eCameroon obevutha engabaselwe kwiGhana Premier League kule sizini.

“Kukhona namaqembu ase-Europe afana neSaint-Etienne, Galatasaray, SD Eibar ne-Atletico Madrid nawo okuthiwa aseveze uthando analo ngalo mgadli.”

U-Etouga ushaye amagoli angu-20 kwiKotoko kule sizini okuyikho okumenze waphenduka inyama emaqenjini ehlukene.

editor@impempe.com

Leave a Reply

Your email address will not be published.