Kugadulisana izingqungqulu kowamanqamu kwiBuhari Cup

Kugadulisana izingqungqulu kowamanqamu kwiBuhari Cup
Abadlali beBanyana Banyana ejimini
UDABA: Zukiswa Tshaka
ISITHOMBE: Twitter

Kuhlangane izingqungqulu zebhola labezifazane e-Afrika emdlalweni wamanqamu kwi-Aisha Buhari Cup ozoba seMobolaji Johnson Arena ngoLwesibili ngo-4 ntambama.

Lezi zingqungqulu, okuyiNigeria neNingizimu Afrika ziyizimbangi ezindala kuzo zonke izinhlaka zebhola lamazwe ngamazwe.

IBanyana beyibaba emdlaweni wayo wokuqala weBuhari Cup njengoba idlule kalula kwelaseGhana iBlack Queens eyibhaxabule ngo 3-0.

UHilda Magai, Thembi Kgatlane noSibulele Holweni yibo abangcwaba iBlack Queens ngoLwesihlanu olwedlule.

Ngosuku lokuvula lomqhudelwano ngoLwesithathu, iSuper Falcons yehlula iFemale Eagles yaseMali ngo 2-0, womabili amagoli aqhamuka kuGift Monday ngasekupheleni kwesiwombe sesibili.

AmaSuper Falcons, abangomphetha base-Afrika bayishaya iBanyana kumaphenathi emdlaweni wamanqamu kwiCAF Women’s Africa Cup of Nations ngo2018.

La maqembu ayeshayane aze abukana wena owabona amaqhude emdlalweno owaphela zibambene kwabe sekushaywa amaphenathi.

FUNDA NALA: UMhango ucishe walala ebaliwe ngenxa yokubusisa amantombazane ngotshwala

IBuhari Cup ifike kahle kwiBanyana njengoba izodlalakwiCosafa Women’s Cup ezoqla ngasekupheleni kwenyanga.

Lo mqhudelwano uzobanjelwa eGqeberha e-Eastern Cape kanti ukudlala kwiBuhari Cup kuzoyibeka ethubeni elingcono iBanyana.

IBanyana iqhathwe kuGroup A kulo mqhudelwano ne-Angola, Mozambique neMalawi.

EMAIL: Editor@impempe.com | TWITTER: @impempe_com | FACEBOOK: Impempe SA

Leave a Reply

Your email address will not be published. Required fields are marked *