UMokoka ubeke irekhodi elisha ewina iNedbank #Runnified

UStephen Mukoka
Alfred Ngubane 

UStephen Mokoka uqophe irekhodi elisha lomhlaba emjahweni webanga lika-50km kwiNedbank #Runified eGqeberha ngeSonto ekuseni.

Lo mgijimi wenze isikhathi esingu-2.40.13 ephula irekhodi likaKetema Negasa wase-Ethiopia lika-2.42.07.

UMokoka usegijime amahlandla amathathu kuma-Olympics kanti useke wanqoba iFNB Half Marathon amahlandla amabili.

Njengoba eqobile ngeSOnto uzohamba ayomela iNingizimu Afrika eTokyo kwiWorld Athletics Council.

Sekukaningi ke vele emela elaseNingizimu Afrika kusukela kumaYouth Championships nakuma-University Championships emazweni ehlukene emhlabeni jikelele.

FUNDA NALA: IRoyal AM iphinde yakora sekushone ilanga ithwihliza iSwallows 

Useyinkunzi emidwayidwa. Ephawula ngomjaho wakhe, uthi ubengakulindele ukuthi uzonqoba ngoba kunesikhathi eside agcina ukugijima ibanga lika-50km.

Ubonge uMdali, umndeni wakhe nomqeqeshi uMichael Seme. Khonamanjalo intokazi yaseNingizimu Afrika u-Irvette Van Zyl akalibonanga elidlalayo njengoba ehlulekile ukuvikela isicoco.

UVan Zyl nguye obenqobe ngonyaka odlule kulo mjaho kodwa kulokhu kube yintokazi yase-Ethopia u-Amelework Fikadu Bosh owenze u-3.04 .58.

Endaweni yesibili kungene uShelmith Muriuki owenze u-3.08.30 kwase kuba uVan Zyl endaweni yesithathu.

editor@impempe.com

Leave a Reply

Your email address will not be published.