UZlatan uthi iBallom d’Or isilonda esingebuhlungu kuye

UZlatan uthi iBallom d'Or isilonda esingebuhlungu kuye
UZlatan Ibrahimovic
UDABA: Mhlengi Cele
ISITHOMBE: Twitter

UZlatan Ibrahimovic uthi akayidingi iBallon d’Or ukuze azibonakalise ukuthi ungumdlali ohamba phambili emhlabeni.

U-Ibrahimovic usenqobe izicoco zeligi ne-Ajax, Inter Milan, Barcelona, AC Milan, Paris Saint-Germain neManchester United kodwa lomgadli waseSweeden akaze ayithole iBallon d’Or.

Lo makadebona ebona oseneminyaka engu-40 manje usaqhubeka nokugila izimanga kwiMilan njengoba eseyidlalela okwesibili.

AmaRossoneri afuna ukuwina iScudetto agcina ukusithola ngesikhathi u-Ibrahimovic eqhulula inqwaba yamagoli ngo-2010-11.

Ophethe izindaba zika-Ibrahimovic uMino Raiola uthi iBallon d’Or ayisho lutho kuyena ngoba akaze ayinikwe uZlatan yize kade wakhombisa wonke umuntu ukuthi ungumgadli onohlonze nezinamba zimfakazela.

Kodwa ngesikhathi kwethulwa ngokusemthethweni incwadi entsha ka-Ibrahimovic esihloko sithi “Adrenaline” eMilan ngeSonto uZlatan ucashunwe ethi”iBallon d’Or indodo ebalulekile, kodwa angiyidingi ukuze ngizibonakalise ukuthi ngingumdlali onohlonze.”

Lo mcimbi wenziwe ngemuva kokuthi uZlatan Ibrahimovic eshaye igoli lakhe lika-300 kumaligi amahlanu aphambili e-Europe ngoMngqibelo ngesikhathi iMilan idlala ngokulingana ngo1-1 ne-Udinese.

UCristiano Ronaldo noLionel Messi kuphela e-Europe abanamagoli angaphezulu kunawaZlatan Ibrahimovic.

“Konke kusekhanda. Ngiziqeqesha ngendlela efanayo nengidlala ngayo,” usho kanje uZlatan echaza ngokudlala kwakhe ibhola elikhokhelayo isikhathi eside.

FUNDA NALA: “Bazomdlisa ngezembe lo,”  kusho isikhulu seSwallows ngoSukazi

“Wonke umdlalo kimina ufana nomdlalo wamanqamu. Bekunzima ngesikhathi ngifika lapha eMilan, kodwa sikwazile ukwakha iqembu eliqinile nomoya wempumelelo.

“Igciwane eliwubhubhane iCovid-19 lisiphazamisile, kodwa abasebenzi lapha basezingeni eliphezulu, sengidlalele amaqembu amaningi kodwa akafani neMilan, kumnandi lapha.

“Wonke umuntu lapha ufuna ukuzuza okufanayo. Ngeshwa asikwazanga ukuwina izolo bekufanele ngishaye amagoli amabili.”

EMAIL: Editor@impempe.com  | TWITTER: @impempe_com

Leave a Reply

Your email address will not be published.