BUKA: OweChiefs ususe umsindo ‘ethethisa’ umqeqeshi
Isigcwele izinkundla zokuxhumana ividiyo la unozinti weKaizer Chiefs, uBrandon Petersen ebonakala sengathi uthethisa umqeqeshi uCavin Johnson.
Lesi sigameko esishaqisayo senzeke emdlalweni la iChiefs ishaywe khona yi-Orlando Pirates ngoMgqibelo ntambama.
Kube yiPirates enqoba lo mdlalo obuseFNB Stadium, ibuya kade seyilandela ngemuva kwaze kwaba kabili.
Ekupheleni komdlalo, amakhamera eSuperSport aqophe uPetersen ekhuluma noJohnson ebukeka emlisa.
Akuzwakalanga abekusho kodwa bekubonakala ukuthi umoya wakhe uphakeme.
Kuze kwasiza uSifiso Hlanti ofikse wabahlukanisa. Kodwa kwanaye indlela ambambe ngayo ekhanda lo mqeqeshi ishiye imibuzo.
Lesi sigameko sikaPetersen sesisuse izinkulumompikiswano ezinkundleni zokuxhumana.
Abanye bathi yinto engasho lutho futhi evamisile ukwenzeka ebholeni ikakhulukazi ngemuva komdlalo oshube njengalona.
FUNDA NALA: URiveiro ujabulele uSaleng noLebitso bephoxa iChiefs
Abanye bathi uPetersen ubelwela ukuthi kungani kudlaliswe uBruce Bvuma ngaphambi kwakhe. Buka nansi ividiyo ngezansi:
