BUKA: Kuqhume iqupha kowabesifazane, iSafa icasukile
Inhlangano eyengamele ibhola kuleli, iSouth African Football Association (Safa) seyiveze ukuphoxeka kwayo ngesigameko sodlame esenzeke emdlalweni wesigaba sayo, iHollywoodbets Super League.
Lesi sigameko senzeke emdlalweni womkhaya baseThekwini obubhekwe ngabomvu nokukhonjiswa bukhoma kuSABC 1 ngeSonto.
Kusuke isixakaxaka, kwagcina abadlali sebedudulana ngequpha kubuka izwe lonke kumabonakude.
“ISafa iphoxekile ngodlame olukhonjiswe ngabadlali emdlalweni weHollywoodbets Super League phakathi kweRoyal AM neLindelani Ladies ePrincess Magogo Stadium, KwaMashu.
“Obekuhloswe ukuthi kube yidabhi yaseKZN emnandi ebholeni labesifazane, kuvele kwangcolisa isithunzi somdlalo wabesifazane,” kusho iSafa esitatimendeni ngoMsombuluko.
“ISafa isiwutholile umbiko weMatch Commissioners kulandela isigameko esivezwe bukhoma kuSABC 1.
“Umbiko wonompempe uzocwaningwa ngaphambi kokuthi amaqembu amabili abizelwe esigcawini sokuqondiswa ubugwegwe.
“Lokhu kulandela impi equbuke enkundleni nokuphoqe unompempe ukuthi akhiphe amakhadi abomvu amahlanu emizuzwini yokugcina yomdlalo.”
FUNDA NALA: Uphinde wanwaya ikhanda uJohnson kuqhuma induku kwiChiefs
Zibukele nansi ividiyo yaleli chilo ngezansi:
