IChiefs nePirates bazonqumana eMabhida kwiNedbank Cup

SIHLE NGUBO 

Umdlalo wamanqamu weNedbank Cup phakathi kweKaizer Chiefs ne-Orlando  Pirates uzodlalelwa eMoses Mabhida Stadium, eThekwini.

Lokhu kuhlaluke ngemuva kokuthi izinkunzi zaseSoweto zinqobe imidlalo eyandulela owamanqamu weNedbank Cup ngoMgqibelo.

Kuqale iBucs yashaya iMarumo Gallants ngo 1-0 emdlalweni wokuqala e-Orlando Stadium. Kuphinde kwanqoba iChiefs ngo 2-1 eLoftus Stadium.Igoli eliwinise iBucs lishaywe ngomzuzu ka-22 kanti lize noKabelo Dlamini. IPirates ibivele iwuphethe umdlalo.

Amakhosi abelandela ngemuva kwiSundowns kodwa abuya awina ngo 2-1.

Kulo mdlalo kuqale kwaba uTeboho Mokoena oshaye ifree kick yamhlaba yakhala phakathi.

Ngemuva kwalokho bekubukeka sengathi iChiefs sekuba uWandile Duba obuyisele iqembu laseNaturena emdlalweni ngokushaya igoli lokulinganisa.

IChiefs ivele yawuvala umdlalo ishaya igoli ekugcineni ngonyawo lika-Ashley du Preez.

IChiefs nePirates bagcina ukubhekana ngo-2014 kowamanqamu. Ngo-2010 iChiefs nePirates batholana kwiTelkom Knockout kowamanqamu kwanqoba iChiefs.

Umdlalo wamanqamu weNedbank Cup ungoMeyi 10. I-Premier Soccer League isazomemezela ukuthi aqala nini ukudayisa amathikithi.