Kube wumcimbi kaMokoena noSaleng kuklonyeliswa abe-PSL
By Intatheli yeMpempe
Kukhonye uTebogo Mokoena weMamelodi Sundowns noMonnapule Saleng we-Orlando Pirates emiklomelweni ye-PSL ngeSonto kusihlwa.
UMokoena nguye odle indondo esuke ibhekwe kakulu kule miklomelo njengoba ehambe neyeFootballer of the Season.
Kuthiwa le ndondo inikwa umdlali owenze kahle kuyo yonke imiqhudelwano ye-PSL okuyiDStv Premiership, iMTN8 neNedbank Cup.
Njengokulindelekile cishe kuyo yonke imiklomelo yalolu hlobo, zisukile ke izinkulumo ngale ndondo njengoba abanye bebebona ifanele uSaleng.
ISundowns yehluleka kweyandulela owamanqamu kwiMTN8, yasheshe yaliwasha ijezi nakwiNedbank Cup.
USaleng yena ube esewina eyePlayers’ Player of the Season. Kulena ke umdlali usuke evotelwe ngokaputeni bawo wonke amaqembu e-PSL.
Uphinde wahamba neyomdlali owenze kahle kwiMTN8. UMokoena yena uphinde wathola neomdlali wasesiswini obevelele.
Umqeqeshi wesizini kube uRulani Mokwena weSundowns. Le ndondo ubeyibanga noJose Riveiro we-Orlando Pirates noGavin Hunt weSuperSport United.
UYusuf Maart yena wine owegoli lesizini ngaleli alishaya bebhekene nePirates emdlalweni weligi nyakenye.
Nalu uhlu lwabawinile ngezansi:
MTN8 Last Man Standing: Monnapule Saleng (Orlando Pirates)
Nedbank Cup Most Promising Player of the Season: Olwethu Makhanya (Stellenbosch)
DStv Premiership Goalkeeper of the Season: Ronwen Williams (Mamelodi Sundowns)
DStv Premiership Defender of the Season: Khuliso Mudau (Mamelodi Sundowns)
DStv Premiership Midfielder of the Season: Teboho Mokoena (Mamelodi Sundowns)
DStv Premiership Young Player of the Season: Cassius Mailula (Mamelodi Sundowns)
DStv Premiership Goal of the Season: Yusuf Maart (Kaizer Chiefs)
DStv Premiership top goal scorers of the Season: Peter Shalulile (Mamelodi Sundowns), Khanyisa Mayo (Cape Town City)
DStv Premiership Player’s Player of the Season: Monnapule Saleng (Orlando Pirates)
Motsepe Foundation Championship top goalscorer of the Season: Ashley Cupido (Cape Town Spurs)
DStv Diski Challenge top goalscorer: Mervin Boji (Stellenbosch)
DStv Diski Challenge Rewired Player of the Season: Luphumlo Sifumba (Cape Town City)
Referee of the Season: Masixole Bambiso
Assistant Referee of the Season: Kamohelo Ramutsindela
Special Chairman’s award:
Peter Mancer and Alex Shakoane
