Unqotshwe yiChiefs umbango wokusayina u-Ox
Sekulindeleke ukuthi iKaizer Chiefs imemezele ukuthi usefikile eNaturena Sibongiseni “Ox” Mthethwa obehalelwa nangomakhelwane bayo I-Orlando Pirates.
Lo mdlali usefikile ekomkhulu leChiefs eNaturena la esezoqedela khona konke, bese esayina nenkontileka yakhe.
IPirates nayo izamile ukumthola lo mdlali wasesiswini kodwa yagcina ihlulekile.
Abaphethe u-Ox bebevele bengekho magange ngokuthi aye kwiBucs, bebona ikusasa lakhe izoba ngcono eNaturena.
IPirates kuthiwa beyisize yavula nesikhala sakhe ngokuhambisa uBen Motswari ebolekise ngaye kuMaZulu FC.
Nokho kugcine mungayisizanga konke lokho njengoba esegcine kwiChiefs lo mdlali.
Ngeke ke nokho adlale uma seyibhekene neMamelodi Sundowns emdlalweni weMTN8 ngempelasonto.
FUNDA NALA: Ujikisiwe owe-Orlando Pirates eyolobola ‘ngamakinati’
Lokhu kungenxa yokuthi usevele uke wadlala kwiStellies kulo mqhudelwano.
