Umlingo owashiya kwiNigeria elimele edlala kwelaseSpain
Umqeqeshi we-Nigeria, uJosé Peseiro, uthi ‘udidekile’ ngokuthi kungani u-Umar Sadiq ekwazise ukudlala eqenjini laseSpain i-Real Sociedad, ekubeni eshiye ekhempini yeSuper Eagles ngoba elimele.
USadiq oneminyaka engu-26 ubekhona ngesikhathi iSociedad idlala kwiCopa del Rey ne-Osasuna ngoLwesithathu.
Ungenile umdlalo sewuya ngasekupheleni, uJosé Peseiro wasala emangele ukuthi kwenzeke kanjani .
Lo mdlali wakhishwa ekhempini ye-Nigeria ngaphambi kancane kokuqala kweCaf Africa Cup of Nations eqhubekayo e-Egypt.
“Nami ngididekile,” kusho uJosé Peseiro ebuzwa ngoSadiq ngoLwesithathu.
“Engingakusho, ngiwubonile umbiko wokuhlolwa kwkahe udokotela ukuthi uthi ulimele nokuthi ngeke alulame ezinsukwini ezingu-15 ezizayo.
“Uthe kungathatha lesi sikhathi noma ngaphezulu ukuthi alulame ngokugcwele.
“Iqembu lakhe lithumele umlayezo wokuthi akabuye kulo ukuze alulame.”
UJosé Peseiro uthe uSadiq wayefuna kwiSuper Eagles kodwa yena nethimba lakhe labaqeqeshi banquma ukuvala isikhala sakhe.
“Ngijabule ngokuthi useluleme kahle. Ngiphatheke kabi ukuthi akekho lapha ukuzosisiza,” kusho uPeseiro.
INigeria izodlala ne-Ivory Coast ngoLwesine lapho ingcindezi ikwiSuper Eagles kaPeseiro kulandela ukubambana ngo 1-1 ne-Equatorial Guinea emdlalweni wabo wokuqala. I-Ivory Coast iqale ngokunqoba ngo 2-0 kuGuinea-Bissau.
Lo mqeqeshi odabuka ePortugal ubhekane nokugxekwa ngemuva kokudlala ngokulingana kweNigeria.
Okwenyuse ingcindezi kwiNigeria wukuthi i-Equatorial Gunea isivele sayithela othulini iGuinea Bissau ukuze ihlale eqhuwlini kuGroup A.
Okumnika ithemba uPeseiro wukuthi iNigeria iwakhile amathuba amahle emdlalweni wokuqala, athemba ukuthi izowasebenzisa kolandelayo.
“Uma udala amathuba afanayo, uzolishaya igoli,” kusho uPeseiro ngoLwesithathu.
“Njengoba ngasho phambilini: Ngezinye izikhathi, uNkulunkulu uyapha, ngezinye izikhathi uNkulunkulu uyathatha.
FUNDA NALA: Ukhuza ibuya kwiPSL owachayisa iKaizer Chiefs
“Yisikhathi esifanele sokuba uNkulunkulu asinike nathi manje.”
