Igixabezwe esinye isigwebo phezu kwesinye iRoyal AM
SIHLE NGUBO
IRoyal Andile Mpisane FC seyiphinde yathola esinye isigwebo esivela kwiFifa ukuthi ayivunyelwe ukusayinisa abadlali.
Lokhu kulandela ukuhluleka ukukhokhela uRicardo Nascimento imali emkweleta yona.
Kuvela ukuthi iThwihli Thwahla ikweleta lo mdlali, ofike eNingizimu Afrika ezodlala kwiMamelodi Sundowns, imali engaphezulu kancane kuka-R600 000.
Lo mdlali waseBrazil usemabhukwini eRio Branco, okuyiqembu lakhoan le ngakubo njengoba esabuyela ekhaya.
IRoyal AM ivele isadonsa isigwebo sokuthi ngeke isayinise abadlali, uma kuvulwe iwindi lokuhwebelana.
Lokhu kulandela ukungayikhokhi imali eyikweleta uSamir Nurkovic engu-R12 million.
Ukungavunyelwa ukusayinisa abadlali kuvele sekulikhinyabezile leli qembu laKwaZulu-Natal.
Lidonsa kanzima kwiDStv Premiership njengoba libalwa namaqembu angaphephile ezembeni.
FUNDA NALA: UHunt ubona uMokoena ezosuka kwi-Afcon aye phesheya
Uma iThwihli Thwahla iqhuba kanje iFifa iyogcina iphoqeleka ukuyiphuca amaphuzu emidlalweni yeligi bese izithola idliwa yizembe.
