UWilliams nethuba lokuhamba ezinyathelweni zikaKhune
SIHLE NGUBO
Angase ahleke yedwa uRonwen Williams, ongunozinti weMamelodi Sundowns, uma sekuklonyeliswa abadlali bePremier Soccer League (PSL) abenze kahle kule sizini egoqwe ngempelasonto.
UWilliams unethuba lokubuya nemiklomelo emithathu kulo mcimbi nje eqokwe emikhakheni emithathu ehlukene.
Uqokwe kwiFootballer of the Season lapho ebanga khona zakwabo uTeboho Mokoena, no-Iqraam Rayners weStellenbosch FC.
Kulo mkhakha, onqotshwe uMokoena ngesizi edlule, kuvota abaqeqeshi bamaqembu eDStv Premiership.
UWilliams ukhona futhi kwiDStv Premiership Players’ Player of the Season. Kulo mkhakha ubanga noPatrick Maswanganyi, we-Orlando Pirates no-Iqraam Rayners weStellenbosch FC.
Kuvota abadlali bamaqembu ePremiership kulo mkhakha. Iqembu ngalinye livunyelwe amavoti angu-30, kanti umdlali akavunyelwe ukuvotela uzakwabo adlala naye eqenjini.
Uphinde abe khona futhi uRonwen Williams kwiDStv Premiership Goalkeeper of the Season. Lapha ubanga noSage Stephens weStellenbosch FC noBadra Sangare weSekhukhune United.
Kule eminye imikhakha kuba nohla lwamajaji okuyilona olucubungulayo bese luphume nomdlali okuvunyelwana ngaye ukuthi ubaqwaqwade emakhanda.
UWilliams ube nesizini enhle kakhulu neSundowns, lapho ebengangenelwa khona kalula amagoli. Lo mgqigqo wakhe uye nawo kwiBafana Bafana egcine iphume endaweni yesithathu kwi-Africa Cup of Nations (Afcon) ebise-Ivory Coast.
UWilliams uzakhele igama evimba amaphenathi amane iBafana ibhekene Cape Verde kwi-quarterfinal ye-Afcon. Iqembu lakuleli lagcina linqobe ngo 2-1 sekukhahlelwa amaphenathi.
BUKA: ULorch ubezijuxuza nama-‘slay queens’
Umdlali oseke wawola imiklomelo yePSL emcimbini owodwa ngu-Itumeleng Khune weKaizer Chiefs, ngesizini ka-2012/2013.
UKhune wakhala wemuka nomklomelo iFootballer of the Season, iGoalkeeper of the Season, yiPlayers’ Player of the Season neNedbank Cup of the Season, ngo-2013.
Ngaleyo sizini iChiefs yanqoba isicoco seligi neNedbank Cup ngaphansi kukaStuart Baxter.
Kumi kanje ngabaqokiwe:
- FOOTBALLER OF THE SEASON:
Teboho Mokoena (Mamelodi Sundowns)
Iqraam Rayners (Stellenbosch FC)
Ronwen Williams (Mamelodi Sundowns)
- DSTV PREMIERSHIP PLAYERS’ PLAYER OF THE SEASON:
Patrick Maswanganyi (Orlando Pirates)
Iqraam Rayners (Stellenbosch FC)
Ronwen Williams (Mamelodi Sundowns)
- DSTV PREMIERSHIP COACH OF THE SEASON:
Steve Barker (Stellenbosch FC)
Rhulani Mokwena (Mamelodi Sundowns)
Jose Riveiro (Orlando Pirates)
- DSTV PREMIERSHIP GOALKEEPER OF THE SEASON:
Badra Sangare (Sekhukhune United)
Sage Stephens (Stellenbosch FC)
Ronwen Williams (Mamelodi Sundowns)
- DSTV PREMIERSHIP DEFENDER OF THE SEASON:
Grant Kekana (Mamelodi Sundowns)
Deano Van Rooyen (Stellenbosch FC)
Tapelo Xoki (Orlando Pirates)
- DSTV PREMIERSHIP MIDFIELDER OF THE SEASON:
Sanele Barns (Richards Bay)
Patrick Maswanganyi (Orlando Pirates)
Devin Titus (Stellenbosch FC)
- DSTV PREMIERSHIP YOUNG PLAYER OF THE SEASON:
Shandre Campbell (SuperSport United)
Relebohile Mofokeng (Orlando Pirates)
Ime Okon (SuperSport United)
- MTN8 LAST MAN STANDING:
Sipho Chaine (Orlando Pirates)
Zakhele Lepasa (Orlando Pirates)
Patrick Maswanganyi (Orlando Pirates)
- CARLING KNOCKOUT PLAYER OF THE TOURNAMENT:
Thabo Moloisane (Stellenbosch FC)
Iqraam Rayners (Stellenbosch FC)
Devin Titus (Stellenbosch FC)
- NEDBANK CUP MOST PROMISING PLAYER OF TOURNAMENT:
Shandre Campbell (SuperSport United)
Relebohile Mofokeng (Orlando Pirates)
Devin Titus (Stellenbosch FC)
- NEDBANK CUP PLAYER OF THE TOURNAMENT:
Tshegofatso Mabasa (Orlando Pirates)
Patrick Maswanganyi (Orlando Pirates)
Iqraam Rayners (Stellenbosch FC)
- DSTV DISKI CHALLENGE PLAYER OF THE SEASON:
Jody Ah Shene (Cape Town City)
Ntando Nkosi (Mamelodi Sundowns)
Langelihle Phili (Stellenbosch FC)
- PSL ASSISTANT REFEREE OF THE SEASON:
Cledwin Baloyi
Lalelani Mngadi
Romario Phiri
- PSL REFEREE OF THE SEASON:
Sikhumbuzo Gasa
Philangenkosi Khumalo
Abongile Tom
