Bazohleka bodwa abalandeli baKwaZulu-Natal ngemidlalo yeNedbank Cup
SIHLE NGUBO
Abalandeli bebhola baKwaZulu-Natal bazohleka bodwa njengoba kuqala imidlalo yeNedbank Cup Last 32 ngempelasonto kaJanuwari 24.
Leli sifundazwe sizosingatha imidlalo emihlanu yonke yeNedbank Cup Last 32, njengoba amaqembu amane agijima kwiPremiership nelilodwa elidlala esigabeni esiphansi, ezodlalela ekhaya.
Kuzoqala umdlalo lapho iLamontville Golden Arrows izokwamukela iChippa United ngoJanuwari 24 eMpumalanga Stadium, eHammarsdale. NgoMgqibelo Umvoti FC uzobhekana neBaroka FC eHarry Gwala Stadium.
Umdlalo ozodla ngokukhanga ophakathi kweRichards Bay FC ne-Orlando Pirates, eKing Zwelithini Stadium, eMlaza, ngeSonto ngo-3 ntambama. Nakanjani kuyobe kugcwele eMlaza njengoba lo mdlalo ungeSonto emini.
NgoMsombuluko iRoyal AM izovakashelwa yiMilford FC, eHarry Gwala Stadium, ngo-7 ebusuku. Imidlalo yeNedbank Cup yaKwaZulu-Natal izovalwa owaMaZulu neMighty Eagles eKing Zwelithini Stadium, ngo-7 ebusuku.
Amathikithi emidlalo yeNedbank Cup Last 32 abiza u-R40 kanti azoqala ukudayisa maduze nje.
Imidlalo yeNedbank Cup Last 32:
NgoLwesihlanu (Januwari 24): Pretoria Callie’s v Marumo Gallants (Lucas Moripe Stadium, 7pm)
NgoMgqibelo: Lamontville Golden Arrows v Chippa United (Mpumalanga Stadium, 3pm); Umvoti FC v Baroka FC (Harry Gwala Stadium, 3pm); Venda FC v Cape Town Spurs (Thohoyandou Stadium, 3pm); Lerumo Lions v Durban City (Olympia Park, 3pm); Mamelodi Sundowns v Sibanye Golden Stars (Loftus Stadium, 6pm)
NgeSonto: Richards Bay FC v Orlando Pirates (King Zwelithini Stadium, 3pm); Mpheni Home Defenders v Hungry Lions FC (Thohoyandou Stadium, 3pm); Polokwane City v The Bees FC (Peter Mokaba Stadium, 3pm); Kaizer Chiefs v Free Agents (FNB Stadium, 6pm)
NgoMsombuluko: Royal AM v Milford FC (Harry Gwala Stadium, 7pm); Sekhukhune United v Cape Town City (Old Peter Mokaba Stadium, 7pm);
NgoLwesibili: AmaZulu FC v Mighty Eagles (King Zwelithini Stadium, 7pm); Stellenbosch FC v Kruger United (Danie Craven Stadium, 7pm); Magesi FC v SuperSport United (Old Peter Mokaba Stadium, 7pm)
NgoLwesithathu: TS Galaxy v CR Vasco da Gama (Mbombela Stadium, 7pm)