Aqhathiwe azohlungela iNedbank Cup ka-2025/2026

SIHLE NGUBO

Aqhathiwe amaqembu eMotsepe Foundation Championship azodlala imidlalo yokuhlunga yeNedbank Cup ka-2025/2026.

Amaqembu aqhathwe ngoLwesithathu emini emahhovisi ePremier Soccer League (PSL).

Ayisishiyagalombili amaqembu eChampionship azodlala kwiLast 32 kanti azobe esejoyinwa amanye ayisishiyagalombili avela kumaligi aphansi ama-amesha.

IMilford FC yaKwaZulu-Natal izobhekana neBaroka FC, iMidland Wanderers izovakashela iLerumo Lions.

Komunye umdlalo okulindeleke ukuthi ushube iBlack Leopards izokwamukela iCasric Stars.

Imidlalo yokuhlunga yeChampionship izodlalwa ngempelasonto kaDisemba 2/3.

Amaqembu azoyibamba kwiLast 32 azoqhathwa ngoJanuwari 8 nokuyilapho kuzobe sekukhona naweBetway Premiership.

Seyiyonke imidlalo yokuhlunga yeNedbank Cup imi kanje:

Milford FC v Baroka FC; Cape Town City v Upington City; Hungry Lions v Venda FC; Leicester Ford v AmaTuks; Lerumo Lions v Midland Wanderers; Kruger United v Highbury FCB; Black Leopards v Casric Stars; The Bees FC v Gomora United