Thola konke ngokuqhathwa kwamaqembu azodlala kwiNedbank Cup Last 32
IKaizer Chiefs izovakashela iMaritzburg United emdlalweni weLast 32 yeNedbank Cup ka-2023.
Lokhu kuhlaluke kade kuqhathwa amaqembu azobhekana kulo mqhudelwano ngoLwesine ebusuku eGoli. Amakhosi abamba eyeka kulezi zinsuku emidlalweni yeligi njengoba eyibambe endaweni yesine, kanti kumnyama kakhulu kwiTeam of Choice eyivale emsileni kwilogi.
Lokhu kuchaza ukuthi akulula ukusho ukuthi izozala nkomoni uma la maqembu esetholana phezulu kulo mdlalo weNedbank Cup.
Omunye umdlalo okubhekiwe ukuthi kuzokwenzekani kuwona ophakathi kweMamelodi Sundowns neRichards Bay FC. La maqembu ahlanganile kwiNedbank Cup ngesizini edlule iNatal Rich Boyz yashaywa ngo 4-0. Nakanjani leli qembu laseMhlathuze lizofuna ukuziphindiselela kwiDowns evuthayo nokho kule sizini.
I-Orlando Pirates yona ingase idlulele kalula kwiLast 16 yeNedbank Cup njengoba iqhathwe neqembu elincane kwiLast 32 i-All Stars FC.
Imi kanje imidlalo yeLast 32 isiyonke: TS Galaxy v Amavarara FC; Sekhukhune United v Liver Brothers FC; Stellenbosch FC v Swallows FC; Mpheni Home Defenders v Clairewood FC; Mkhambathi v Casric Stars; Cape Town City v Royal AM; Maritzburg United v Kaizer Chiefs; SuperSport United v Dondol Stars; Lamontville Golden Arrows v Pretoria Callies; Marumo Gallants v Magesi FC; FC Black Cross v Venda Football Academy; Mamelodi Sundowns v Richards Bay; Cape Town Spurs v Baroka FC; All Stars FC v Orlando Pirates; Polokwane City v Chippa United; AmaZulu FC v Tornado
Sdina Ngubo
