IChiefs iyaphoqeka ukwenyula enkulisa ukuze iqinise kwelePremiership
IKaizer Chiefs yenze ubulungiswa kumdlali wayo obegijima kwiDStv Diski Challenge uSandile Duba emkhuphulele eqenjijni elikhulu njengoba kuvulwe iwindi lokuhwebelana ngabadlali ngoJanuwari.
Lo mdlali useke wadlala esuka ebhentshini ngesikhathi Amakhosi ebhekene neLamontville Golden Arrows emdlalweni weDStv Premiership ngoDisemba 31. Leli qembu laseNaturena liwine lo mdlalo ngo 2-0 eMoses Mabhida Stadium, eThekwini.
UDuba ujoyina uMduduzi Shabalala obeshayela iChiefs amagoli kwiDiski Challenge kumasizini edlule. Omunye umdlali oseseqenjini elikhulu uSamkelo Zwane naye obedlala kwiDiski Challenge Kuhlale kukhalwa ngokuthi amaqembu ePremiership ayehluleka ukuzakhela abadlali azabakhuphulela esigabeni esiphezulu. Nokho kubukeka iChiefs iphoqeka ukwenza lokhu ngoba iyahluleka ukunxenxa abadlali bamaqembu ePremier Soccer League (PSL) ukuthi beze eNaturena.
Kuyimanje iChiefs kuvela ukuthi ifuna umdlali weRoyal AM, uMfundo Thikazi, odlala kahle kakhulu. Maningi kodwa amathuba okuthi iChiefs ingamtholi lo mdlali njengoba kwenzekile ngesizini edlule ngesikhathi izama ukuthola uVictor Letsoalo kulona leli qembu likaShauwn “MaMkhize” Mkhize.
IChiefs izobhekana neSekhukhume United emdlalweni weligi eFNB Stadium ngoMqgibelo ngo-8 ebusuku. Ukuwina lo mdlalo kungase kuyinyusile endaweni yesibili bese kuncika ekuthetni ihamba kanjani eminye imiphumela ngempelasonto. ISuperSport United iyona ehleleli endaweni yesibili ngamaphuzu angu-27. Izobhekana neLamontville Golden Arrows emdlalweni weligi ePrincess Magogo Stadium, KwaMashu, ngoMgqibelo ngo-3.30 ntambama. Ukwina kwaMatsatsantsa a Pitori kuzowenza aqinise indawo kwilogi yePremiership.
Sdina Ngubo
