Owerekhodi leComrades uthipha uGerda Steyn ekulephuleni
By Alfred Ngubane
UFrith Van Der Merwe ophethe irekhodi leComrades Marathon alenza ngo-1989 lika-05:54:43 ukholwa ukuthi uGerda Steyn uzolephula leli rekhodi kulokhu.
Uthi lokhu kungoba ebona uGerda Steyn engumsubathi onekhono elimangalisayo.
Uyakuvuma nokho ukuthi uzoyithola inselelo kulo mjaho wangempelasonto ezayo kwazise kukhona abasubathi abaphuma emazweni angaphandle abafana no-Alex Morozova waseRussia ongumphetha weComrade Marathon wanyakenye.
“Kuzoba khona impi enkulu phakathi kukaGerda Steyn no-Alex Morozova njengoba neminyaka yabo iyalingana nje futhi bashesha kakhulu ezinyaweni.
“U-Alexander Morozova uyinqobe kwehliwa iComrades kanti uGerda uyinqobe ikhuphuka.
FUNDA NALA: Sekusele kancane uShaun Bartlett afake iSpurs kwelesithembiso
“Ozonqoba leComrades Marathon ezintokazini uzoba esebenze kanzima,” kusho uFrith.
UGerda Steyn usenqobe iTwo Oceans Marathon amahlanhla amabili elandelana futhi nguyena ophethe irekhodi kulo mjaho wasekapa.
