Umsinga United usulufakile unyawo lokuqala kwiChampionship
By Alfred Ngubane
Kusenemidlalo emibili okumele Umsinga United uyidlale kweyokuhlunga amaqembu azonyuselwa kwiMotsepe Foundation Championship, kodwa leli qembu selulufakile unyawo lokuqala.
Ukuwina kwaMabhubesi umdlalo wawo wesibili kule midlalo yokuhlunga ebanjelwe eMgungundlovu sekuyibeke endaweni enhle.
Umsinga sewuvele ungenile esigabeni esilandelayo, okuyimidlalo eyandulela owamanqamu ngemuva kokubhubhudla iBuffalo FC ngo 7-1 ngoLwesithathu ntambama.
Amaqembu azodlulela kowamanqamu yiwo azongena kwiChampionship ngesizini ezayo, esuka kwi-ABC Motsepe League.
Umgadli woMsinga, uThobani Mthembu naye uzibeke ethubeki lokuqeda kunguye ohamba phambili ngamagoli kulo qmhudelwano.
Ushaye amane kulo mdlalo wangoLwesithathu, kanti kowokuqala ngoLwesibili ubeshaye amabili bewina ngo 2-1.
Amanye amagoli Amabhubesi ashaywe oThulani Mpanza, Menzi Madela noSimphiwe Sithole. Elokubika ekhaya leBuffalo lishaywe uDavid Ramoji kade kuyiphenathi.
Uma Umsinga uphumelela kulo mkhankaso wawo, kuyobe uqede ishobolo lokungawini kwamaqembu aKwaZulu-Natal kweyokuhlunga.
FUNDA NALA: Okusha ngonozinti uRichard Ofori nekusasa lakhe kwiPirates
Selokhu kwagcina ngoThongathi ngo-2018. Okuhle ke wukuthi leli qembu lasemaBomvini aligcini ngokushaya inethi nje kuphela, kodwa nebhola elilidlalayo lihle.
