Okusha ngoHashim Domingo olaxazwe yiSundowns
Alfred Ngubane
UGlyn Binkin oyimenenja yabadlali usephumele obala ngekusasa likaHashim Domingo osanda kuchithwa yiMamelodi Sundowns.
Kunamahlebezi amaningi ke ngekusasa likaHashim Domingo njengoba kuthiwa amaqembu ambalwa kuleli azibhekile kuye.
Kuwo kukhona iSuperSport United, Cape Town Spurs naMaZulu FC kanti neKaizer Chiefs ike yavela kancane.
Kodwa ke kubukeka ezomshweba wonke lamaqembu uma kuya ngokwesifiso sikaBinkin ngalo mdlali wasesiswini.
UBinkin uthi uzohamba noHaashim Domingo balibangise eMorocco ngoMgqibelo beyohlangana neRaja Casablanca.
“Siyohlangananisa ukuthi sithole inkontileka neRaja Casablanca,” usho kanje uBikin. Uthe yize kube buhlungu ukushiya kwiSundowns, kodwa sebedlulile kulokho.
UHashim Domingo ushiye kwiSundowns ngoba bengayivuselalanga inkontileka yakhe. Ngaphambilini lo mdlali wake wadlala ePortugal naseDenmark.
FUNDA NALA: Ibuya neboza iKaizer Chiefs uma iyotheza ngaphandle muva nje
Wabe esebuyela kuleli wafike wazinza kwiBidVest Wits la azikhombise khona ukuba ngumdlali okhaliphile yabe seyimthenga iSundowns.
