UManfred Siedler uyaziphendulela, uthi imimoya phansi ngeHollywoodbets AC
Alfred Ngubane
Imenenja yeHollywoodbets Athletics Club uManfred Seidler useziphendulele ngezinsolo zokuthi nguye inkinga njengoba le kilabhu ihlulekile emijahweni emikhulu.
IHollywoodbets AC ayenzanga kahle kwiTwo Oceans neComrades kulo nyaka kanti lokhu sekukhonjwe kuye, kwathiwa nguye ohlulwa wumsebenzi.
UManfred Seidler uthi uyavuma ukuthi akubahambelanga kahle kule mijaho emikhulu, uthi kade behlele kahle konke.
Uphinde waveza ukuthi njengoba engene ehhovisi lale kilanbhu ngo-Okthoba nyakenye uhambo luselude. Uthi usahlanhlanganisa abasubathi abanamagalelo bamabanga amafishane abafana noNehang Khatala, Irvette Van Zyl, Collen Molaudzi nabanye.
“Ngifuna ukuqoba kwasani kula mabanga amafishane. Kumabanga amade sinohlelo oluqinile lokunqoba imijaho emikhulu nemincane.
“Njengoba uNkosikhona Mhlwakwana, Mahlomula Sekhonyana, Anna Ashworth, Loveness Madziva, Makhosi Mhlongo bekhona nje ngizobahlanganisa baqeqeshwe ngumqeqeshi oyedwa,” kusho yena.
UManfred Seidler ucele ukuthi abathandi bezokusubatha KwaZulu-Natal babakezelele, wathibazohlanganisa inqanawe yekilabhu ezogudluza iNedbank Running Club yaseNorth West.
FUNDA NALA: IKaizer Chiefs iyakhuculula, uNange ngowesibili ukukhonjwa indlela
Le kilabhu yiyo eshaya amaphiko phezulu kwezokusubatha njengamanje. Uphinde waveza ukuthi basozoqinisa ikilabhu yabo ngabesimame abanamava nabesilisa abanganamagama abasalambele ukunqoba.
