UMiddendorp ngathi wawugqabela umsebenzi, usethole iqembu elisha

Ungafunga ukuthi unengcabo yomsebenzi u-Ernst Middendorp njengoba engayiqedi inyanga ehleli uma eqeda kushiya noma ukuxoshwa la abesebenza khona.

Lo mqeqeshi ongowokuzalwa eGermany kodwa osenobuzwe bakuleli usesheshe wawuthola umsebenzi kulandela ukushiya kwakhe eqenjini langakubo.

U-Ernst Middendorp akukapheli neviki ehsiyile kwiSV Mappen edlala ezigabeni eziphansi eGermany njengoba esevuke ngomunye umsebenzi nje.

Ukubonakala kwakhe kuleli ngempelasonto kususe ukuqagela ngaye. Ubonakale emdlalweni weKaizer Chiefs naMaZulu FC ngempelasonto.

Ubebukeka ecoshela okuthile ekuloba abhukwini lakhe. Kuzokhumbuleka ke ukuthi useke wayiqeqesha kwaze kwaba amahlandla amabili iChiefs.

NaMaZulu ake afisa ukumlanda ngesizini edlule ngemuva kokuxosha uBrandon Truter kodwa abuye athatha uRomain Folz.

Njengoba ke emaningi amaqembu okungawahambeli kahle kuleli, kusolakale ukuthi kukhona eselimfuna kuwo.

Kodwa ke Impempe isingabika ukuthi cha abaqeqeshi bakuleli basangakhululeka okwamanje ngoba usewuthole eTanzania umsebenzi.

Usezocija iSingida Fountain Gate edlala esigabeni esiphezulu kwiligi yakulelisa lizwe engenye yathuthuka kakhulu ezwenikazi.

“Siyakwemukela ezintabeni zaseSingida Ernst Middendorp,” libhale kanje leli qembu ezinkundleni zokuxhumana lamukela lo mqeqeshi.