Kuvela okwenze uLepasa adube iBafana Bafana

Sekuvele ukuthi umgadli we-Orlando Pirates, uZakhele Lepasa, uthathe isinqumo esimangaze abaningi sokuhoxa kwiBafana Bafana ngaphambi komdlalo wabo wobungani ne-Ivory Coast. ULepasa ungene ohlwini lwabadlali okukhona kubo uPercy Tau noMonnapule Saleng abakhethe ukuphuma esikwatini sikaHugo Broos.

Okunye okumangazayo ngokuhoxa kukaLepasa ukuthi kuvela izinsolo zokuthi kube khona ukushayisana phakathi kwakhe noBroos.

Umthombo uthi uBroos uthethise uLepasa ngesikhathi kulandela ukushweba kwakhe amathuba, waqhubeka noma sekuphele umdlalo. 

ULepasa ungene esiwombeni sesibili ngesikhathi iBafana izithela ngehlazo idlala ngokulingana ne-Eswatini ngoLwesihlanu.

Lesi simo sidala ukukhathazeka ngobudlelwano phakathi komqeqeshi nabadlali. 

Izehlakalo ezinjalo, uma zingaxazululwa ngokushesha, zingaba nomthelela ongemuhle eqenjini lilonke. 

Ikhempu yeBafana Bafana izodinga ukusebenza ekuxazululeni lezi zinkinga ukuze kugcinwe isikwati esibumbene nesinokuzwana.

FUNDA NALA:  Ingulube ibuyele odakeni kuduka umqeqeshi kuMaZulu

Njengamanje iBafana ise-Ivory Coast lapho izodlala khona ne-Elephants emdlalweni wobungani ngoLwesibili kusihlwa.