Ayibuye Siyamthanda! Ayibuye MaBhokobhoko!

Impempe ifisela ukaputeni wamaBhokobhoko, uSiyamthanda Kolisi neqembu lesizwe lakuleli lebhola lombhoxo, okuhle kodwa uma sebedlala kowamanqamu.

INingizimu Afrika neNew Zealand bazotholana phezulu emdlalweni wanqamu weNdebe yoMhlaba ngoMgqibelo ngo-9 ebusuku. 

Wonke umhlaba uzobe ubheke ukuthi yiliphi iqembu elizoba ngompetha bomhlaba okwesine emlandweni webhola lombhoxo.

Womabili la mazwe asewine iNdebe yoMhlaba kathathu, futhi akungabazeki ukuthi umdlalo uzoba nzima uma esehlangana eFrance.

UKolisi usethubeni lokuzifaka emlandweni ngokuba ukaputeni wesibili kuphela ukuwina iNdebe yoMhlaba kabili kulandelana.

Lokhu sekuke kwenziwa yinkakha yaseNew Zealand uRitchie McCaw.  Uma iNingizimu Afrika iwuwina lo mdlalo kuzosho ukuthi iyona ehamba phambili ebholeni lombhoxo emhlabeni.

FUNDA NALA: URadebe uthi ‘is not make sure’ ngoJohnson kwiChiefs

Impempe ithi phezu kwabo maBhokobhoko. Ayibuye iWebb Ellis! Sisonke! Sibumbene!