EzakamuvaIkhilikithi

Akawabheki amarekhodi uKagiso Rabada wamaProteas

UKagiso “KG” Rabada uyaqhubeka nokubhala umlando wakhe kumaProteas futhi iminyaka isamvuna ukuthi aphule amarekhodi.

Lo mshwibi usejoyine idlanzana labadlali bamaProteas abafinyelele kumawikhethi angu-500 emidlalweni yomhlaba.

Lapha kubalwa awemidlalo yeTest, awemidlalo yosuku olulodwa naweT20.

URabada ubevutha ngosuku lokuqala lweTest yokuqala ngoLwesibili, lapho amaProteas ebhekene ne-India eCenturion.

Uthathe amawikhethi amahlanu kanti bese kungokwesi-14 enza lokhu emidlalweni yeTest. 

Umdlalo uke wamiswa yimvula eSuperSport Park kodwa kulindeleke ukuthi uqhubeke ngoLwesithathu.

Naba abanye abadlali baseNingizimu Afrika asebethathe amawikhethi angu-500 nangaphezulu:

UShaun Pollock (423 wemidlalo) – 829 amawikhethi 

UDale Steyn (265 wemidlalo) – 699 amawikhethi 

UMakhaya Ntini (284 wemidlalo) – 662 amawikhethi 

U-Allan Donald (236 wemidlalo)- 602 wamawikhethi

UJacques Kallis (519 wemidlalo) – 577 wamawikhethi wamawikhethi 

Morne Morkel (247 wemidlalo)- 544

𝗞𝗮𝗴𝗶𝘀𝗼 𝗥𝗮𝗯𝗮𝗱𝗮 (𝟮𝟭𝟴 wemidlalo) – 𝟱𝟬𝟬 wamawikhethi