U-Elias Pelembe uzohola iMozambique kwi-Afcon
Owayengumdlali wasesiswini weRoyal AM u-Elias Domingues Pelembe uqokwe njengokaputeni weqembu kesizwe laseMozambique elizodlala kwi-Africa Cup of Nations ngenyanga ezayo.
Lo mdlali oneminyaka engu-40 ubudala uqokwe eqenjini lokugcina labadlali abangu-23 beMambas emqhudelwaneni wezwekazi e-Ivory Coast, ozoqala ngoJanuwari 13.
IMozambique, eyagcina ngo-2010 ukubonakala kulo mqhudelwano, ingenile kuwo ngemuva kokuhlula iBenin nokuqeda isendaweni yesibili ngemuva kompetha baseSenegal ngoSepthemba eqoqweni layo.
Ngemuva kokugijima kwiRoyal AM ngesizini edlule, u-Elias Pelembe ubuyele kwelakubo la efike wajoyina iqembu elidlala esigabeni esikhulu i-UD Songo.
Ubesehlale amasizini cishe angu-16 kwiPremier Soccer League, la edlale khona kwiSuperSport United, Mamelodi Sundowns, Platinum Stars neBidvest Wits…
Lo mdlali osemnkantshubomvu usezodlala kwi-Afcon okwesibili, nokubukeka kungokokugcina.
U-Elias Pelembe wadlala kulo mqhudelwano okokuqala eneminyaka engu-26 ngesikhathi esadlala kumaBrazilians eminyakeni engu-14 edlule.
FUNDA NALA:Â Akawabheki amarekhodi uKagiso Rabada wamaProteas
IMozambique iqhathwe kuGroup B kanti izovula umkhankaso wayo ngokubhekana ne-Egypt e-Abidjan ngoJanuwari 14, kulandele iCape Verde neGhana.
