EyeBafana eyokuxoxelwa amagwababa echobana

Ukuhlulwa yiphenathi esiwombeni sokuqala kube yinkomba yokuthi iBafana Bafana iyele ukuyokwandisa isibalo kwiCaf Africa of Nations e-Ivory Coast. 

Leli qembu likaHugo Broos liphume linyobozela emdlalweni walo wokuqala selithole isibhaxu sika 2-0 kwiMali ngoLwesibili ebusuku. 

IBafana ibe yiqembu lesibili ukungenelwa amagoli amabili qede lingaphenduli kulo mqhudelwano.

Emdlalweni wokuvula umqhudelwano, osokhaya i-Ivory Coast bashaya iGuinea Bissau ngo 2-0.

Ngemuva kwalokho alikho iqembu elingenelwe amagoli amabili alangaphendula kwaze kwabe kuqhamuka ezkaBroos. 

Nakhona bekumele ngabe yizo ezilishaye kuqala igoli, okuyinto ebizocindezela kakhulu iMali, ingabe isakwazi ukudlala ngokukhululeka seyijaha umdlalo.

Kodwa ke isethenjwa, uPercy Tau uvele walibhamuza laze layosithela emafini ibhola esebekelwe iphenathi esiwombenii sokuqala. 

Lokhu bekulandela isigameko la u-Evidence Makgopa ebedlaliswe kabi engaphakathi ebhokisini. 

Ibona ukuthi iBafana izama ukuphakama ngayo, iMali ibuye seyijike kakhulu esiwmbeni sesibili.

Womabili amagoli ayo akhombisile ukuthi iBafana isekude kakhulu nokuthi ifike ezingeni lokuncintisana namanye amazwe ase-Afrika. 

FUNDA NALA: INamibia ivule indlela, uBwayla uyifuna ‘ekhaya’ indebe

Yize kusasele imidlalo emibili la ingakwazi ukugeza igama iBafana, kodwa amathuba namathemba asephansi kakhulu.