UYaya ubhoboke ngobuhlungu bokuvinjwa efunwa aweBundesliga

Umdlali weBafana Bafana uSiphephelo “uYaya” Sithole waphuka inhliziyo ngesikhathi evinjwa ukuyodlala kwenye yamaligi amakhulu e-Europe.

Lesi sihlabani esisafufusa sisanda kuphumela obala ngalesi sigameko esibuhlungu, kodwa sihlala sinethemba ngekusasa.

Amathemba namathuba okuthi aphinde ahehe amaqembu adlala kumaligi amakhulu e-Europe enyukile ngemuva kokudlala kahle kwakhe kwi-Africa Cup of Nations ka-2023.

UYaya, okuyigama lesidlaliso likaSithole, oneminyaka engu-24, udlale okokuqala kwiBafana Bafana ngesikhathi ibhekene neMorocco ngoSepthemba 2022. 

Ukudlala kukaSithole ngaleso sikhathi kwadonsa amehlo amakilabhu adlala kwiBundesliga eGermany, neLille yaseFrance.

Wayedlala kwiB-SAD esigabeni sePrimera Liga ePortugal ngaleso sikhathi.

Kusukela lapho, lo mdlali usedlale imidlalo engu-16 eqenjini likaHugo Broos.

“Kwakunamahlebezi amaningi ngemuva kwalokho, wonke umuntu uyazi ukuthi ngangisesigabeni sokuqala ngineminyaka engu-21,” kusho uYaya kwi-iDiski Times. 

“Futhi ngicabanga ukuthi izinto azenzekanga ngaleso sikhathi ngoba ikilabhu ebengidlala kuyo ngaleso sikhathi yayifuna imali eshisiwe. 

“Bangivimbila ukuthi ngisuke ekilabhini. Kodwa yingakho ngiye esigabeni esiphansi. 

“Uyawazi amakilabhu, uma ebona ukuthi uwukuphela komdlali obalulekile eqenjini, azosebenzisa lokho ukukuvimba. Yilokho okwenzeka.

“Uma ngikhuluma iqiniso, kwakumele ngihambe, kodwa bona bafuna izizumbulu zemali.

FUNDA NALA: UJosephy Kamwendo usakhihla esikaNandi ngoLorch

“Lokho bakwenza ngoba ngaleso sikhathi ngangisenenkontileka… Kodwa bavuma uma ngifuna ukuya kwiTondela.”