Ihlazo kumiswa umdlalo weNedbank Cup eThekwini
IPremier Soccer League ingene kwelinye ihlazo ngoLwesihlanu ebusuku kuphoqeleka ukumiswa komdlalo komdlalo obalulekile weNedbank Cup usanda kuqala.
Umdlalo oseMpumalanga Stadium ngoLwesihlanu udlalwe umzuzu owodwa kwase kucima izibani. Lo mdlalo bewuqale ngo-7 wasebusuku.
Lo mdlalo uphakathi kweGolden Arrows neTS Galaxy, okungamaqembu anegqubu nobekulindeleke umdlalo omuhle kuwo.
Yiwona mdlalo obuzokhonjiswa esiteshini esibekelwe imidlalo yePSL kwiDStv okuyiSuperSport PSL (ishaneli 202).
Impempe ishicilele lolu daba umdlalo ungakaqali sekudlulle imizuzu engu-15 ngemuva kwesikhathi ebesibekiwe.
Ukucima kwezibani kuyichilo kwazise kubeka engozini nabalandeli abahambele lo mdlalo.
Kuphoxa negama labaxhasi balo mqhudelwano ukuyiNedbank, nelePSL ezigqaja ngokuhlela imidlalo ngezinga eliphezulu.
Izimo ezinjengalezi kumele ngabe zihlezi zihlelelwe ukuthi uma zenzeka, zisheshe zixazululwe.
Bekungakacaci ke ukuthi lokhu kucima kwezibani kungenxa yokucishwa kukagesi okwenzeka ezweni lonke, noma kube yinkinga yasenkundleni.
FUNDA NALA:Â UJohnson usathembele koDu Preez noGonzalez kwiChiefs
Bekungumdlalo wokuqala i-Arrows ewudlala ebusuku kule nkundla eyiphendule ikhaya layo kule sizini.
