Bahlose lukhulu ngebhola lezikole abe-Apemo
SIHLE NGUBO
Umengameli we-African People’s Movement (Apemo), uVikizitha Mlotshwa, uthi bazimisele ukubuyisa usiko lokukhiqizwa kwabadlali bezemidlalo ezingeni lezikole.
Usho lokhu ngesikhathi kunengqungquthela yeqembu eGloeckner Primary School Sports field, eSandlwana, eBergville ngeSonto.
Kule ngqungquthela i-Apemo beyethula umhlahlandlela wayo wonke oluzayo lukazwelonke ngoMeyi 29.
“NgoGudi nje kuzoba nesiteki sebhola kuyona le nkundla. Kukhona nesinye isiteki eMawosi. Cisho kuwona wonke amawadi sizoba neziteki,” kusho uVikizitha Mlotshwa.
“Ngingasho ngithi kuseyisendlalelo konke lokho. Uma singena kuhulumeni wokubambisana sizocela umnyango wezemidlalo, ubuciko namasiko ungenelele, ukuze sizovuselela lezi zinto ezikoleni.”
“Ibhola elihle saligcina ngoSiyabonga Nomvethe, uTsepo Ntsoane, uPhilani Mkhize noSibusiso “Rhee” Zuma. Bonke laba badlali baqhikizwa ezikoleni.
“Sifuna ukukuvuselela konke lokho. Sesikuqalile njengoba kukhona amahhashi atelebhelayo neminye imidlalo.
“Leyo midlalo yonke siyayenza. Esikwenza lapha Okhahlamba sifuna ukukukhuphelela ezingeni likazwelonke.”
FUNDA NALA:Â UBroos uzonika uRainers ithuba, kodwa ngathi akamuzwa kahle
Ibhola lezikole likhiqize abadlali abaningi eminyakeni edlule. Kukhona ukukhala ukuthi ukufa kwalo kunomthelela omkhulu ekwehleni kwezinga lebhola eNingizimu Afrika.
