I-PSL isikhiphe imininingwane yeNedbank Cup

I-Premier Soccer League (PSL) seyimemezele izinsuku, izindawo nesikhathi okuzodlala imidlalo yama-quarterfinal eNedbank Cup.

Le midlalo izodlala ngempelasonto ka-Ephreli 12, 13 no-14. Amathikithi azodayiswa eTicketPro ngo-R60, kanti iPSL izomemezela uma eseqala ukudayisa.

Akungabazeki ukuthi umdlalo obhekwe kakhulu yilowo ophakathi kwaMaZulu FC ne-Orlando Pirates, eMoses Mabhida Stadium.

Kulo mdlalo kuzobhekwa ukuthi zizobuya yini eThekwini eZimnyama nokuyizona ezivikela isicoco seNedbank Cup.

Isiyonke imidlalo yeNedbank Cup imi kanje:

NgoLwesihlanu (Ephreli 12): University of Pretoria vs Mamelodi Sundowns- Lucas Moripe Stadium, 7pm

NgoMgqibelo (Ephreli 13): Stellenbosch FC vs SuperSport United- Danie Craven Stadium, 3pm; AmaZulu FC vs Orlando Pirates- Moses Mabhida Stadium, 6pm

NgeSonto (Ephreli 14): TS Galaxy FC vs Chippa United- Mbombela Stadium (15h00)