UShabba udalula okuzosiza iPirates ihubuluze Usuthu
ALFRED NGUBANE
USiphiwe “Shabba” Tshabalala oyinxusa leNedbank Cup ubona i-Orlando Pirates izoba yinkinga enkulu kuMaZulu FC.
AmaZulu azobe evakashelwe yilezi zinkunzi zaseSoweto emdlalweni we-quaterfinal yalo mqhudelwano eMoses Mabhida Stadium ngoMgqibelo ngo-6 ntambama.
IPirates yiyo engompetha bale ndebe futhi seyikukhombisile ukuthi iyafuna ukuyivikela njengoba yenza nakwiMTN8.
“I-Orlando Pirates iyingozi enkulu kakhulu uma idlala eMoses Mabhida Stadium,” kusho uShabba kuleli viki.
“Lokhu kungenxa yokuthi abalandeli bayo baphuma ngobuningi bezolisekela kule nkundla.
“Manje izoba idlala inomdlali ka-12 enkundleni, lokho akungatshwazwa.
“AmaZulu azoba nengcindezi enkulu ngoba abheke ukuthi abalandeli awo bagcwalise inkundla.
“Kodwa ngeke kwenzeke njengoba kuzoba yi0-Orlando Pirates ezoba nabalandeli abaningi ekhaya laMaZulu.”
Khonamanjalo, i-Orlando Pirates yilona iqembu eliwudinga kakhulu lo mdlalo njengoba lingomphetha beNedbank Cup.
Umqeqeshi wayo, uJose Riveiro, usebonisile ukuthi unalo iqhinga lokuvikela inkomishi njengoba ekwenzile kwiMTN8.
FUNDA NALA: ‘Bekufana nokuya kudokotela wamazinyo,’ kusho uMokwena
Inhlanhla yezinkomishi unayo ngempela njengoba useyiphazamisile iMamelodi Sundowns ebikhukhula nazo zonke izinkomishi.
