ISundowns inkemise izintatheli zaze zaduba
Zihlale zaze zagcina zibona ezifike ngayo izintatheli zebhola ebezimenywe ekomkhulu leMamelodi Sundowns eChloorkop ngoLwesithathu.
Lezi zintatheli bekumele ziyokhuluma nabadlali nabaqeqeshi ngaphambi komdlalo waleli qembu olandelayo.
ISundowns ilungiselela umdlalo onzima womlenze wesibili kweyandulela owamanqamu kwiCaf Champions League.
Isivele iyaxhugela kulo mqhudelwano njengoba ishaywe ngo 1-0 ekhambeni yi-Esperance yaseTunisia.
Lokhu kuyisele yonke ingcindezi kuleli qembu elicijwa uRulani Mokwena.
ISundowns beyikhiphe isimemo salo mhlangano nabezindaba la bethenjiswe ukuthi bazokhuluma okungenani nabadlali abathathu.
Lokhu bekuzokwenzeka enkundleni ngendlela evulelekile ukuthi abezindaba bengabuza noma yini kubadlali ngayedwana.
Kodwa lokhu akwenzekanga njengoba izintatheli zihlale kwaze kwabuhlungu izibunu, zaqoka ukuduba zishiye phansi ziyokwenza eminye imisebenzi.
FUNDA NALA: Inkantolo inqabile intombi isula icala elivulele umdlali
Akwaziwa ke noma iCaf izyihlawulisa yini iSundowns ngalesi senzo sayo ngoba kuyimfanelo ukuthi ibe nawo umhlangano nabezindaba.
