Okusha ngemidlalo eyandulela owamanqamu kwiNedbank Cup
IPremier Soccer League (PSL) isiziqinisekisile ngokusemthethweni izinsuku, izinkundla nezikhathi zemidlalo ebhekwe ngabomvu eyandulela owamanqamu kwiNedbank Cup.
Le midlalo seyihlelelwe impelasonto yomhla ka-4 no-5 kuMeyi ka-2024, kanti ithembisa ukukhombisa ibhola elisezingeni eliphezulu.
Amathikithi atholakala ezitolo zeTicketPro ezweni lonke ngo-R80 lilinye.
Umdlalo owandulela owamanqamu ozoqala ngophakathi kweChippa United ne-Orlando Pirates evikela isicoco.
Lo mdlalo uzoba seNelson Mandela Bay Stadium, eGqeberha ngoMgqibelo, mhla ka-4 kuMeyi.
Iyoqhubeka ngeSonto, eDanie Craven Stadium eWestern Cape, lapho iStellenbosch FC neMamelodi Sundowns bezolwela ukungena kowamanqamu.
FUNDA NALA: UModise uhlonza okumele kwenziwe iBucs ukunqoba iligi
Yomibili le midlalo ihlelelwe ukuthi iqale ngo-3 ntambama, okuzoqinisekisa ukuthi abalandeli bebhola bayakwazi ukuyihambela kalula le midlalo.
