BUKA: ISundowns yesekwa uDJ Khaled kowe-Esperance
IMamelodi Sundowns ithole umlayezo cishe azosebenzela phezu kwawo umqeqeshi uRulani Mokwena ngoLwesihlanu ebusuku.
Lo mlayezo bewuvela kumculi odume umhlaba wonke, uDJ Khaled ongaphansi kwenkampani eyodwa neSundowns iRock Nation.
Lokhu kwesekwa kweSundowns yilo mculi kukhomba ubukhulu bomdlalo ebhekene nawo.
Izogadulisana ne-Esperance yaseTunisia emdlalweni womlenze wesibili kweyandulela owamanqamu kwiCaf Champions League.
Lo mdlalo useLoftus Stadium ngoLwesihlanu ngo-8 ebusuku. ISundonws ilandela ngemuva ngo 1-0 kanti kumele iphendule lo mphumela ukuze ingene kowamanqamu.
“WeSundowns, yebo ngithi weSundowns, busisekani,” kusho lo mculi odume ngengoma ethi God Did, phakathi kwezinye.
“Busisekani emdlalweni owandulela owamanqamu. Ngabe ngithi nginifisela inhlanhla kodwa hhayi… Ngithi PHAKAMANI, injalo nje. Asambeni.”
Kube sekuqhubeka umqeqeshi, uRulani Mokwena eveza ukuthi leli yithuba elibalulekile kubo.
“Yithuba lokuzihlola sibhekene nelinye lamaqembu aphambili ezwenikazi,” kusho lo mqeqeshi, eshaya ngamafuphi.
FUNDA NALA: IDolphins izobhekana neLions kowamanqamu weT20 Challenge
Ukaputeni weqembu, uThemba Zwan eyena uthi: “Thina siyakwazi esikwazi ukukwenza. Lesi yisikhathi sokukhombisa lokho.” Buka nansi ividiyo ngezansi:
