Ezakamuva

‘Amakhruga’ aseMpumalanga anyukele kwiMotsepe Championship

SIHLE NGUBO

IKruger United, yasesifundazweni iMpumalanga, izobe idlala kwiMotsepe Foundation Championship ngesizini ka-2024/2025.

Lokhu kulandela ukudlulela kowamanqamu wemidlalo yokuhlunga kazwelonke ye-ABC Motsepe League, ngemuva kokushaya iThames FC yaseNorth West ngo 1-0, emdlalweni owandulela owamanqamu, e-Upington, eNorthern Cape, ngoLwesihlanu.

Leli qembu laseMpumalanga bekufanele lishaye imbudlu yamagoli kulo mdlalo kodwa kwabhoka ukugeja nokungabi nayo inhlanhla. Empeleni bekumele kushintshe umdlalo kungu 3-0 okungasenani, uma kubhekwa amathuba eliwatholile.

Ngesiwombe sesibili kube esifanayo. IKruger ilitholile igoli ngomzuzu ka-70 kodwa unompempe wathi umdlali weThames ubesedlaliswe kabi. Nokho ngomzuzu ka-73 uFumani Mathabele ushaye igoli okuyilona eligcine liweze iKruger ngelibanzi.

IKruger izobhekana nozonqoba phakathi kweNjampela, yaKwaZulu-Natal, neHighbury yase-Easten Cape, kowamanqamu ngeSonto. INjampela neHighbury bazotholana phezulu kowandulela owamanqamu ngoLwesihlanu ngo-3 ntambama.