Zishaqisile izindaba zokushona kowayedlala kwiPirates
Owayengumgadli we-Orlando Pirates, uJustin Shonga, udlule emhlabeni ngeSonto eneminyaka engu-27.
Lo mdlali kuvela ukuthi ugule isikhashana wagcina eshonele esibhedlela ngokusho kwamaphoyisa aseZambia.
UShonga udlalele iPirates kawu-77, washaya amagoli angu-16, waphinde wakha angu-16. Ugcine edlalela iNajran edlala esigabeni sesibili eSaudi Arabia.
Ngaphandle kweZimnyama eNingizimu Afrika uShonga udlalele iSekhukhune United, iCape Town City neTshakhuma. Mayelana neminye imininingwane ngokushona kwalo mdlali amaphoyisa aseZambisa athembise ukuthi azoyiveza ngokuhamba kwesikhathi.