U-JP Pietersen uzoqeqesha iSharks kwiCurrie Cup ka-2024
SIHLE NGUBO
I-Hollywoodbets Sharks XV izobheka ukuvula iCarling Currie Cup ka-2024 ngokunqoba njengoba izobhekana neFidelity ADT Lions eHollywoodbets Kings Park, ngoLwesihlanu ngo-5.15 ntambama.
Kulo nyaka lo mqhudelwano unamaqembu ayisishiyagalombili okuyiSharks XV, ompetha baka-2023, iToyota Free State, iVodacom Blue Bulls, iDHL Western Province, iFidelity ADT Lions, iSuzuki Griquas, Airlink Pumas neNovavit Griffons.
Owayengumdlali weSharks uJP Pietersen uyena ozoqeqesha iqembu kule sizini njengoba lo mqhudelwano uzosongwa ngoSepthemba, kanti uNic Hatton uyena ozoba ngukaputeni emzuliswaneni wokuqala wemidlalo.
Njengoba amaBhokobhoko engekho kwiSharks uPietersen ufake nabadlali abasebancane aseke wabaqeqesha emazingeni enkulisa eminyakeni edlule. Njengamanje banikwa ithuba lokungqongqoza eqenjini elikhulu.
Selilonke iqembu limi kanje:
1. Abraham Reyneke
2. Daniel Jooste
3. Khwezi Mona
4. Coetzee Le Roux
5. Reniel Hugo
6. Tino Mavesere
7. Jannes Potgieter
8. Nick Hatton (c)
9. Bradley Davids
10. Lionel Cronje
11. Jaco Williams
12. Murray Koster
13. Diego Appollis
14. Yaw Penxe
15. Hakeem Kunene
Ebhentshini:
16. Kerron van Vuuren
17. Phatu Ganyane
18. Mawande Mdanda
19. Reinier Viljoen
20. Siya Ningiza
21. Tiaan Fourie
22. Alwayno Visagie
23. Muller du Plessis