IChiefs ikhulisa owenkulisa ojima nayo eTurkey
SIHLE NGUBO
Umdlali osemncane uManqoba Ozoemane, uhambe neKaizer Chiefs njengoba iyolungiselela isizini entsha eTurkey.
Lo mdlali, oneminyaka engu-19, ubedlala kwiDStv Diski Challenge (DDC) ngesizini edlule kanti ubukeka ezonikwa ithuba ngesizini ezoqala. Kumasizini edlule iChiefs seyinyusele phezulu abadlali abasebancane abaningi.
UMfundo Vilakazi, uMduduzi Shabalala, uSamukelo Zwane, u-Aden McCarthy, uWandile Duba, noNkosingiphile Ngcobo, bonke baphuma enkulisa yeChiefs. UBruce Bvuma, ongunozinti, naye uphuma kwiDDC.
Amakhosi aziqeqesha ngaphansi kweso lomqeqeshi uNasreddine Nabi, ohlangane neqembu khona eTurkey. Lo mqeqeshi usazokwethulwa ngokusemthethweni eNaturena ngaphambi kokuthi kuqale isizini.
