UJohnson uthi wachathelwa kwiChiefs
UCavin Johnson, obebambile njengomqeqeshi weKaizer Chiefs, uthi wakwenza konke ukuqinisekisa ukuthi leli qembu liba sesimeni esihle ngesikhathi elihola.
UJohnson ugcine ekhonjwe indlela kwiChiefs kulandela ukungenzi kahle kweqembu ngesizini edlule. Lo mqeqeshi ubefike kwiChiefs ezosebenza kwinkulisa yayo.
“Ngatshelwa ukuthi ‘ungabuyela esikhundleni sakho esidala.’ Kodwa ngemuva kwemuva kwenyanga ngatshelwa ukuthi ‘siqala kabusha futhi wena awukho ezinhlelweni zethu,” kusho uJohnson.
“Into engingakutshela yona ukuthi ngazinikela ngo-150% ukwenza isiqiniseko ukuthi uma sijima besenza izinto ngendlela eqondile.”
“Ukuthatha umsebenzi kwaba yinto eyangimangaza, futhi kwakusaphele inyanga eyodwa ngesikhathi ngicelwa ukuthi ngibone usihlalo.
“Wathi ‘mqeqesi, ungakwazi ukubamba iqembu?’ Ngathi mina ‘sihlalo angizanga lapha ukuba umqeqeshi weqembu elikhulu. Ngeza lapha ukuze ngibe ngibe umqeqeshi wenkulisa. Ngemuva kwalokho ngathi sengike ngakwenza lokhu kuMaZulu nePlatinum Stars. Ngingaphinde ngizame kuleli qembu.”