Lizocijwa uMooki elezinkakha zeChiefs eBloemfontein
SIHLE NGUBO
UThabo “Tsiki Tsiki” Mooki, owayegijima kwiKaizer Chiefs, uyena ozobe eqeqesha iqembu lezinkakha laMakhosi elizobhekana neleBloemfontein Celtic ngeSonto.
Lo mdlalo uzobhulela amazolo oweChiefs neYoung Africans, yaseTanzania, abazobanga iToyota Cup, eToyota Stadium, eBloemfontein, ngeSonto ngo-3 ntambama. Owezinkakha uzoqala ngo-12 emini.
Ezintini iChiefs izobe iphethe inkakha
uBrian “Spider-Man” Baloyi kanti izitobha kuzoba uCyril “Skhokho” Nzama, uBevin Fransman, uMorgan Gould noFabian McCarthy.
Esiswini kukhona uSimphiwe “Shabba” Tshabalala, uReneilwe “Yeye” Letsholonyane noJabu “Shuffle” Mahlangu. Phambili kuzobe kukhona uCollins “Ntofontofo” Mbesuma ozobe ebambisene noBernard Parker kanjalo noDavid Radebe.
Amathikithi abiza u-R40 kuzo zonke izitolo zeTicketPro ezweni lonke.
Iqembu lilonke limi kanje:
Onozinti: Brian Baloyi, Tladi Mathibe
Izitobha: Cyril Nzama, Bevin Fransman, Morgan Gould, Tsepo Masilela, Derrick
Spencer, Fabian McCarthy
Esiswini: Siphiwe Tshabalala, Reneilwe Letsholonyane, Willard Katsande, Josta Dladla, Thuso Phala, Mandla Masango, Jabu Mahlangu, Stanton Fredericks
Amafolosi: David Radebe, Colins Mbesuma, Bernard Parker
Umqeqeshi: Thabo Mooki
___________________________________