i-Currie Cup

Kushintsha abaqeqeshi kwiSharks kweyeCurrie Cup


SIHLE NGUBO

Kuzoshintsha abaqeqeshi kwiHollywoodbets Sharks ezobuyela eKings Park Stadium, ukuzodlala imidlalo emibili yokugcina yamaphuzu yeCarling Currie Cup.

ISharks izokwamukela iNovaVit Griffons, ngoMgqibelo ngo-1 ntambama. Umqeqeshi uJP Petersen, osenze umsebenzi oncomekayo, uzobuyela kwi-Under 21 njengoba iqhubeka nemidlalo yayo kuleli sonto. UJohn Plumtree, oyinhloko yabaqeqeshi, uyena ozothatha izintambo kuze kusongwe umqhudelwano.


UPlumtree ufike nabadlali abasekhempini belungiselela isizini entsha yeVodacom United Rugby Championship, waphinde wafaka abadlali abasha  uRuan Dreyer kwi-prop, u-Emmanuel Tshituka kwi-flank noJordan Hendrikse kunombolo 15.

UNick Hatton uzoqhubeka nomsebenzi wakhe wokuba ukaputeni njengoba kade enza yonke isizini. Lo mqeqeshi uzofaka abadlali abanamava abazoqala umdlalo kanjalo nabazosuka ebhentshini. Nakanjani ukubuya kukaMakazole Mapimpi ovela ekhempini yamaBhokobhoko, kuzolisiza kakhulu iqembu, kanjalo no-Ethan Hooker, uJames Venter, uFez Mbatha, uDylan Richardson noVincent Tshituka.

Iqembu lilonke limi kanje:
1.    Braam Reynecke
2.    Fez Mbatha
3.    Ruan Dreyer
4.    Corne’ Rahl
5.    Reniel Hugo
6.    James Venter
7.    Emmanuel Tshituka
8.    Nick Hatton (C)
9.    Bradley Davids
10.    Lionel Cronje
11.    Makazole Mapimpi
12.    Francois Venter
13.    Ethan Hooker
14.    Eduan Keyter
15.    Jordan Hendrikse
            
Ebhentshini:
16.    Dylan Richardson
17.    Dian Bleuler
18.    Hanro Jacobs
19.    Emile van Heerden
20.    Vincent Tshituka
21.    Tian Meyer
22.    Siya Masuku
23.    Litelihle Bester