ElePSL lingase lixoshe owayedlalela iPirates

SIHLE NGUBO 

Umgadli weMarumo Gallants, uGabadinho Mhango, angase axoshwe kuleli qembu kulandela ukwenza ingozi ngemoto ngeSonto.

Kuvela ukuthi lo mgadli waseMalawi ubebuhlabile ngesikhathi imoto yakhe ingena ngemuva itekisi emini kwasaka eBatho Clinic, eBloemfontein.

UMhango, owayedlalela i-Orlando Pirates, uthe ukuthinteka kule ngozi futhi ikhona ividiyo emveza enegazi ebusweni.

 Akuveli nokho ukuthi uboshiwe yini ngemuva kwalesi sigameko esishiye abanye abagibeli betekisi nabo benemihuzuko.

Akukona okokuqala uMhango ezithola esenkingeni ethinta utshwala. Ngesikhathi esagijima kwiPirates kwavela ukuthi waphuza wehluleka ukukhokha kwenye indawo yobumnandi.

NakuMaZulu FC uMhango noDumisani Zuma bebehlupha ngakho ukuphuza nokuyinto eyayilokhu uvela kuleli qembu laseThekwini.