Umdlali weChiefs wehlule abePirates ngengcwenga yegoli alishaya
SIHLE NDLOVU
Ingcwenga yegoli elishaywe uMduduzi Shabalala weKaizer Chiefs, bebhekene neChippa United ngoDisemba, ikhethwe njengehambe phambili ngoNovemba noDisemba.
Lokhu kuhlaluke ngesikhathi iPremier Soccer League (PSL) iveza abadle umhlanganiso ngoNovemba noDisemba ngiklomelo yeBetway Premiership.
UShabalala, u-Iqraam Rayners benomqeqeshi wakhe uMiguel Cardoso weMamelodi Sundowns, yibona abathole imiklomelo yakamuva yokwenza kahle emidlalweni yeligi.
UCardoso, odabuka eSpain, uvotelwe njengomqeqeshi obaqwaqwade bonke emakhanda njengoba iSundowns inqobe imidlalo emithathu yeBetway Premiership. Ishaye iStellenbosch FC, AmaZulu FC neRichards Bay FC, yaqoqa amaphuzu ayisishiyagalolunye.
URayners uvotelwe njengeBetway Premiership of the Month ngemuva kokwehlula kancane uRelebohile Mofokeng we-Orlando Pirates noHendrick Eckstein waMaZulu FC
UShabalala ushaye igoli elihle enqobe ngalo kwiChilli Boys ngo 1-0 iChiefs, ngoDisemba 29 eThekwini. Igoli likaShabalala lihlule elikaThalente Mbatha nelikaMofokeng abawashaye bebhekene neMarumo Gallants neMagesi FC ngokwehlukana.
Emasontweni ezayo abalandeli bangalindela imidlalo yabakhaya econsisa amathe, lapho bezothola khona ithuba lokhuhlangana nezinkakha zakudala zebhola, baziwinele imiklomelo emadolobheni ehlukene.
Imidlalo yabakhaya yeBetway Premiership imi kanje:
- 01 Feb – Orlando Pirates vs Kaizer Chiefs – Soweto Derby
- 05 Feb – SuperSport United vs Mamelodi Sundowns – Tshwane Derby
- 08 Feb – Golden Arrows vs Royal AM – KZN Derby
- 18 Apr – Sekhukhune United vs Polokwane City – Polokwane Derby
- 03 May – Kaizer Chiefs vs Orlando Pirates – Soweto Derby
- 13 May – Cape Town City vs Stellenbosch United – Western Cape Derby
