ISharks izobhekana neBulls sekubuye izethenjwa ebezilimele

NTOBEKO MZIMELA 

I-Hollywoodbets Sharks izobhekana neVodacom Bulls emdlalweni we Vodacom United Rugby Championship, sekubuye ezinye zezilomo zayo ebezilimele.

La maqembu azotholana phezulu eLoftus Stadium, ngoMgqibelo ngo-5 ntambama. ISharks izobe seyihlome ngoGrant Williams, uBongi Mbonambi, uLukhanyo Am noJames Venter.

Yize ukaputeni weqembu u-Eben Ethzebeth, u-Aphelele Fassi, u-Ox Nche, uSiya Kolisi, uJaden Hendrikse no-Andre Esterhuizen, bengakabuyi ekulimaleni, kodwa kuyacaca ukuthi ubuya kwabadlali abangumgogodla eqenjini kubuyisa ithemba futhi kuqinisa nokuncintisana kwabadlali ezindaweni ezahlukene enkundleni

Leli qembu laseThekwini lisazikhotha amanxeba njengoba lingenzanga kahle ohambeni lwase-Europe. Lokhu kuphethe ngokuthi liphume kalula kwi-Investec Champions Cup. Kodwa kulokoza ithemba lokuthi lizoqhubeka nokwenza kahle kwi-URC njengoba lihleli endaweni yesine ngamaphuzu angu-29 ngumuva kwemidlalo eyishumi.

Ukulimala kwabadlali abayizethenjwa kuyilimaze kakhulu futhi kube nomthelela omkhulu ukuthi iphume kwi-Investec Champions Cup.

Selilonke iqembu leSharks limi kanje:

1. Ntuthuko Mchunu                    
2. Bongi Mbonambi                     
3. Trevor Nyakane                      
4. Corne Rahl                              
5. Jason Jenkins                         
6. Tinotenda Mavesere               
7. Vincent Tshituka (ukaputeni)                
8. Phepsi Buthelezi                     
9. Grant Williams                        
10. Siya Masuku                           
11. Ethan Hooker                         
12. Lukhanyo Am                          
13. Jurenzo Julius                         
14. Yaw Penxe                              
15. Jordan Hendrikse                    

Ebhentshini:

16. Ethan Bester                           
17. Ruan Dreyer                            
18. Hanro Jacobs                          
19. Lappies Labuschagne             
20. Jannes Potgieter                     
21. Bradley Davids                       
22. Francois Venter                      
23. Jaco Williams